Jitiqarada órt shyqqan turǵyn úıden 28 adam evakýatsııalandy
QOSTANAI. QazAqparat - Jitiqara qalasyndaǵy turǵyn úıde shyqqan órt kezinde 28 adam evakýatsııalandy, dep habarlaıdy «QazAqparat» HAA tilshisi. Órt turǵyndardyń biriniń óshirilmegen temeki qaldyǵynyń shyqqan.
Qostanaı oblystyq ІІD-niń habarlaýynsha, oqıǵa ornyna birinshi bolyp jergilikti polıtsııa qyzmetiniń avtopatrýli jetken. Polıtseıler birinshi qabattaǵy bir páterdiń terezesinen kók tútin shyǵyp jatqanyn baıqaǵan. Olar kireberiske kirip, janyp jatqan páterdiń esigin qaǵady. Esikti eki jas jigit ashady, tártip saqshylary olardy dereý dalaǵa shyǵarǵan.
«Serjant Andreı Polınskıı janyp jatqan páterdi tekseredi, - deıdi ІІD baspasóz hatshysy Elena Kasharına. - Tártip saqshysy bólmelerdiń birinen kereýette jatqan jigitti baıqap qalady. Onyń astynda matras pen kórpe janyp jatady. Mas kúıinde uıyqtap qalǵan jas jigitti oıatyp, polıtseıler úıden alyp shyǵady. Órt sóndirý qyzmeti kelgenge deıin polıtseıler janyp jatqan matras pen kórpeni sóndirip, turǵyn úıdegi 28 adamdy evakýatsııalap úlgeredi».
Polıtseılerdiń arqasynda turǵyn úıdiń turǵyndary zardap shekpedi. Otty durys qoldanbaǵan qala turǵyny ákimshilik jaýapkershilikke tartyldy.
