Jitiqarada koronavırýs juqtyrǵan 4 adam tirkeldi
QOSTANAI. QazAqparat - Qostanaı oblysynyń Jitiqara qalasynda koronavırýs ınfektsııasyn taǵy 4 adamnyń juqtyrǵany anyqtaldy, dep habarlaıdy QazAqparat.
COVID-19 ınfektsııasyn 1962, 1975 jáne 1990 jylǵy áıel adamdar juqtyrǵan. Sonymen qatar 2009 jylǵy oqýshy qyzdan da tabyldy.
Olar buǵan deıin koronavırýsty juqtyrǵan adamdarmen baılanysta bolǵan. 14 sáýirden bastap olar karantındik statsıonarda boldy. Ekinshi qaıtara teksergen kezde PTR zertteýi vırýsty juqtyrǵanyn kórsetti.
Memlekettik komıssııanyń shuǵyl shtabynyń habarlaýynsha, emdeý sharalary bekitilgen hattamaǵa saı júrgiziledi. Epıdemııaǵa qarsy is-sharalar qolǵa alynǵan.
30 sáýirda tańerteń Qostanaı oblysynda COVID-19 ınfektsııasy 49 adamda anyqtaldy, olardyń ishinde 3 adam saýyǵyp shyqty.
