Jitiqarada 8 kósheniń ataýy qazaqshalanbaq - Qostanaı oblysy
QOSTANAI. QazAqparat - Qostanaı oblysyna qarasty Jitiqara aýdany ákimdiginde 8 kósheniń ataýyn qazaqshalaý týraly másele kóterildi, dep habarlaıdy QazAqparat tilshisi.
Jitiqara aýdanyndaǵy kóshelerdiń ataýyn ózgertý týraly usynystardy qarastyrý boıynsha jumys tobymen otyrys ótti. Basqosýǵa jumys tobynyń músheleri men turǵyndar qatysty.
Aýdandyq mádenıet jáne tilderdi damytý bóliminiń jetekshisi Jańyldyq Álmuhametovanyń sózinshe, turǵyndar kóshe ataýlaryn ózgertý týraly aýdan ákimi Abaı Ibraevtyń atyna birneshe márte hat jazǵan. Sondyqtan óńir basshysynyń usynysymen jumys toby qurylǵan-tyn.
Taraptardyń ózara kelisim boıynsha kelesi kóshelerdi ózgertý qarastyryldy: «40 let Oktıabrıa» kóshesine - «Birlik», «Karl Maks» - «Dostyq», «Aerodromnaıa» - «Báıterek», «Shevchenko» - «Beıbitshilik», «Komarov» - «Bereke», «Şors» - «Bostandyq», «Novaıa» - «Jaqsy», «Stepnaıa» - «Keń dala». Sondaı-aq, jumys toby ortalyq alańdy «Táýelsizdik alańy» dep ataý týraly usynys bildirdi.
Osy máselege baılanysty qorytyndy jıyn erteń ótedi. Kóshe turǵyndary kelisse, jyl aıaǵyna deıin 8 kóshe men ortalyq alań jańa ataýǵa ıe bolady.
Foto https://abai.kz
