Jitiqara turǵynynyń polıtseıdi urǵan sáti vıdeoǵa túsip qaldy
Oqıǵa 7 tamyz kúni Jitiqara aýdanynda bolǵan. Tártip saqshylary Aldanysh Berdenov pen Ábsaǵıt Esmuhambetov saǵat túngi 03:20 shamasynda shaǵyn aýdandardyń birindegi shaqyrtýǵa shyǵady.
«Polıtseıler shaqyrý túsken orynǵa kelip, úıdiń aldynda syra iship otyrǵan 6 er adamdy kóredi. Olar túngi ýaqyttaǵy tynyshtyqty buzǵandardy «ÝAZ» avtokóligine otyrǵyzbaq bolady. Kólikke mingen soń er adamdardyń biri tártip saqshysyna soqqy jasaıdy. Alaıda polıtseı 43 jastaǵy buzaqyny áskerı ádistiń kómegimen toqtatyp, qolyna kisen salady. Qyzmettik mindetterin atqarý kezinde júrgen patrýldik polıtsııa vzvod qyzmetiniń ınspektoryna qatysty kúsh qoldaný faktisi boıynsha qylmystyq kodekstiń 380-baby 1-bóligimen sotqa deıingi tergeý bastaldy», - delingen polıtsııanyń aqparatynda.
Al qoǵamdyq tynyshtyqty buzǵan qalǵan 5 er adamǵa ákimshilik aıyppul salynyp, hattama toltyryldy.