Jitiqara qalasynda mektep oqýshysy koronavırýs juqtyrdy
«Jitiqara aýdanynyń kórsetiletin qyzmetter men taýarlardyń sapasy men qaýipsizdigin baqylaý basqarmasynyń uıǵarymymen aǵymdaǵy jyldyń 21 qazanynan bastap 5 qarasha aralyǵynda Jitiqara qalasynyń № 12 OM kezekshi toptary qashyqtan oqytý formatyna kóshirildi. Sebebi kezekshi toptardyń oqýshysynda COVID-19 anyqtaldy. Mektepte 995 oqýshy bilim alady, osy jyldyń 1 qyrkúıeginen bastap 259 oqýshyny qamtı otyryp, 1-4 synyp oqýshylary úshin 39 kezekshi toptyń jumysy uıymdastyryldy», - dedi Záýre Báımenova óńirlik kommýnıkatsııalar alańynda ótken brıfıngte.
Buǵan deıin Rýdnyı qalasy №4 mektep-lıtseıiniń oqýshylary men pedagogter quramy úı karantınine alynǵanyn habarlaǵan edik. https://kaz.inform.kz/news/rudnyy-kalasynda-mektep-licey-karantinge-zhabyldy_a3707405 Basqarma basshysynyń aıtýynsha, lıtseıdiń medıtsınalyq qyzmetkeri koronavırýs juqtyryp alǵan.
«Balalardyń ómiri men densaýlyǵyn saqtaý maqsatynda mektepterde barlyq tıisti sharalar jasalýda. Bilim alýshylar ǵımaratqa kirgen jáne shyqqan kezde medıtsına qyzmetkerleri tekserýden ótkizedi. Ata-analar qaýymyna da saqtyq sharalary týraly aıtamyz. Balalaryn adamdar kóp jınalatyn oryndarǵa jibermegeni durys, maskalyq rejımdi saqtaý jáne qoldy dezınfektsııalyq quraldarmen óńdeýdiń mańyzy zor», - deıdi Z.Báımenova.
