JI salasyndaǵy kóshbasshy elder Qazaqstandy óz klıentine aınaldyrǵysy keledi — Henrık fon Sheıl

ASTANA. KAZINFORM — Dúnıejúzilik ekonomıkalyq forýmnyń sarapshysy, Eýropalyq Odaqtyń Jasandy ıntellekt týraly zańyn ázirleýshiler tobynyń múshesi Henrık fon Sheıl jasandy ıntellektini damytýǵa arnalǵan parlamenttik tyńdaýda Qazaqstannyń JI salasyndaǵy betalysyna baǵa berdi.

— Jasandy ıntellektiniń evolıýtsııasy 2030 jylǵa qaraı bolatyn revolıýtsııaǵa ákele jatyr. Qazir bárimiz Open AI arqyly AQSh qalaı jumys istep jatqanyn, Qytaı bul salany qalaı damytyp jatqanyn kórip otyrmyz. Olar sizderge ónimin satýǵa talpynyp jatyr. Sizderdi óz klıenti etkisi keledi, aqparattaryńyzdy paıdalanyp otyr, — dedi ol.

Halyqaralyq sarapshy Májilis jýyqta ǵana qabyldaǵan JI týraly zań osyndaı tendentsııalarǵa laıyqty jaýap bolǵanyn aıtady.

— Men jasandy ıntellekt týraly ázirlegen zańdaryńyz osy turǵydan alǵanda úlken ról oınaıdy dep esepteımin. Óıtkeni sizder óz azamattaryńyzdy, memleketterińizdi qorǵaýda osyndaı zań ázirleý arqyly alǵashqy qadamdy jasadyńyzdar. Bul ári qaraı jyljýǵa irgetas bola alady, — dedi Henrık fon Sheıl.

Buǵan deıin Jasandy ıntellekt jáne tsıfrlyq damý mınıstrligi jańa logotıpin tanystyrǵanyn jazǵan edik.