«Jırınovskıı má­limdemelerine úlken jaýapkershilikpen qa­raýy tıis» - baspasózge sholý

ASTANA. QazAqparat - «QazAqparat» agenttigi respýblıkalyq basylymdarda 25 aqpan, seısenbi kúni jaryq kórgen ózekti maqalalarǵa sholýdy usynady.

«Egemen Qazaqstan» gazetiniń búgingi sanynda «Dúrliktirgender buǵyp qala almady» degen maqala berildi. Elimizde ártúrli kommýnıkatsııa quraldary arqyly (áleýmettik jelilerdi qosa alǵanda ınternet-habarlamalar, sms) keıbir bankterdiń bankrot bolý múmkindigi týraly aqparat taratylǵany belgili bolǵan edi. Osyǵan baılanysty Almaty qalalyq prokýratýrasy tómendegi jáıtti habardar etti. Prokýrorlyq tekserý jáne ulttyq qaýipsizdik organy tarapynan júrgizilgen is-sharalardyń nátıjesinde, «Signum» Zańgerlik fırmasy» JShS-niń ıesi Ábil­qaıyr Naqypovtyń jáne osy fırmanyń qyzmetkerleri Vık­torııa Tro­fı­movıch pen Áıg­erim Adasbaevanyń «Bank­Tsentr­Kre­dıt» AQ-tyń qıyn qar­­jy­lyq jaǵdaıy týraly jal­ǵan elek­trondy habarlama tarat­qandarǵa qa­tysy bar ekendigi anyq­taldy. Jalǵan aqparatty olar Darhan Sábdenovten alǵa­ny anyqtaldy, ol buryn «Bank­Tsentr­Kredıttiń» Almaty aıma­ǵy boıynsha atqarý óndirisi bóli­miniń mamany qyzmetin atqarǵan. Alaıda atalǵan bankterdiń bankrot aldyndaǵy jaǵdaıy týraly jalǵan aqparattyń eshbir negizi bolmaǵan jáne bolýy da múmkin emes edi.

Bas basylymda «V.Jırınovskııdiń málimdemesine qatysty...» degen materıal jarııalandy. Qazaqstan Respýblıkasy Syrtqy ister mınıstrliginiń resmı ókili Janbolat Úsenov BAQ ókilderiniń aldynda málimdeme jasady. Onda ol 2014 jylǵy 23 aqpan kúni Más­keýde Reseı Lıberal-demokratııalyq partııa­sy (RLDP) fraktsııasynyń tóraǵasy, Reseı Fe­de­ratsııasy Memlekettik keńesiniń múshesi Vla­dımır Jırınovskıı mıtıngte sóz sóıleı oty­ryp, Ortalyq Azııa memleketterin, sonyń ishin­de Qazaqstandy Reseı Federatsııasynyń qura­myna kirgizýge shaqyrǵanyn atap kórsetti. Jırınovskıı resmı tulǵa, RF Memlekettik Dýmasynyń depýtaty, iri saıası partııanyń basshysy bolyp tabylady. Bizdiń pikirimizshe, osyndaı joǵary memlekettik laýazymdarǵa ıe adam óziniń kópshilik aldynda jasaıtyn má­limdemelerine úlken jaýapkershilikpen qa­raýy tıis. Onyń ústine, bul saıasatker biz­diń elimizge qatysty jol berilmeıtin má­lim­demelerdi birinshi ret aıtyp otyrǵan joq.

***

«Aıqyn» basylymynyń jazýynsha, halyq pen statıstıkter ártúrli tilderde sóıleıdi. Nátıjesinde, jurtshylyqtyń túsinbeýshiligi artady. Keshe halyq qalaýlylary osyǵan qatty keıidi. Birinshiden, depýtattardyń aıtýynsha, eldegi, ekonomıkadaǵy shyn jaǵdaı týraly anyq aqparat tabý qıyn. Osy máseleni arqaý etken maqala gazettiń búgingi sanynda «El esepke senbeıdi» degen taqyryppen berilgen.

Osy basylymda «Elbasy eskertpeleri eskerildi» atty maqala kópshilik nazaryna usynylyp otyr. Onda endi jańa turǵan jastardy jumystan qýý qıynǵa aınalatyndyǵy jáne bul talap tipti zańdastyrylatyny aıtylǵan. El Úkimeti «Qazaqstandaǵy memlekettik jastar saıasaty týraly» zańnyń jańa jobasyn Parlamentke engizdi. Osy zańnyń aldyńǵy jobasyn byltyr ol keri qaıtaryp alǵan bolatyn. Degenmen bul jolǵy joba «aqyrǵy nusqa» kórinedi. Onda Prezıdent N.Nazarbaevtyń eskertpeleri eskerilgendigi baıandalǵan. Qujatty tanystyrǵan Bilim jáne ǵylym mınıstriniń orynbasary Tahır Balyqbaev oǵan sáıkes, budan by­laı jumys berýshilerge jasy 29-ǵa tol­maǵan mamandardy eń kem degende 2 jylǵa qyzmetke alýǵa týra keletinin jet­kizdi. Osy maqsatta ilespe zań jobasymen Eńbek kodeksine túzetý engiziledi.

«Ótken jyly Іshki ister organdaryna turmystyq zorlyq-zombylyqtan japa shekken 28 myńnan astam qyz-kelinshek aryzdanyp, bul shaǵymdar boıynsha zań sheńberinde tıisti sheshimder qabyldandy»,-dep jazady «Aıqyn» gazeti. Іshki ister organdary daǵdarysqa ushyraǵan, zorlyq-zombylyq kórgen 6 myńnan astam qyz-kelinshek quqyqtyq, psıhologııalyq, áleýmettik jáne medıtsınalyq kómek alý úshin daǵdarys ortalyǵyna jibergen. Mundaı jaǵdaıdyń aldyn alý jumystary bizde ǵana emes, búkil álem boıynsha júrgizilip jatyr. Qazirgi kezde Qazaq­stan Respýblıkasy ishki ister organyndaǵy áıelderdi zorlyq-zombylyqtan qorǵaý salasynda 133 qyz­metker eńbek etedi. Áıelderdi zorlyq-zombylyqtan qorǵaý qyzmeti, óz quzyreti sheginde QR Prezıdenti janynda­ǵy Áıelder isteri jáne otbasylyq-demografııalyq saıasat jónindegi ulttyq komıssııasymen basqa da quzyrly memlekettik jáne memlekettik emes uıym­darmen tyǵyz baılanysta jumys istep jatyr. Bul jaıynda «Áıelderge arasha kerek» degen maqalada jan-jaqty aıtylady.

***

«Túrkistan» basylymy «Tımoshenko saılaýǵa qatysa ma?» degen maqalany jarııalady. ıÝlııa Tımoshenko Harkovtegi aýrýhanadan shyǵa sala Joǵarǵy Radaǵa emes, maıdanǵa jol tartty. Múgedekter otyratyn kreslomen kelgen ony alańdaǵy halyq: «ıÝlııa, ıÝlııa!» dep qolpashtap qarsy aldy. Erekshe tolqynyspen sóılegen ol: «Búgin Ýkraınany qalaı elestetýge bolatynyn anyqtaıtyn kún! Sondyqtan sizder óz tańdaýlaryńyzdaǵy adam bılikke kelmeıinshe, osynda tura berýlerińiz kerek!» degen jalyndy sózderin arnady. «Alaıda, 25 mamyrǵa belgilengen merzimnen tys prezıdenttik saılaýǵa Tımoshenko qatysa ma, joq pa, belgisiz. Degenmen, saıasat sahnasyndaǵy hanymnyń sózine qaraǵanda, prezıdenttik taqtan dámeli sııaqty»,-dep jazady maqala avtory.