Jırınovskıı et jeýge tyıym saldy
ASTANA. 20 qarasha. QazAqparat - Reseıdiń lıberaldy-demokratııalyq partııasynyń jetekshisi Vladımır Jırınovskıı ózi et jeýden bas tartyp, qalǵan partııalastaryn sol bastamasyn qostaýǵa shaqyrdy. Sóıtip onyń partııasy birtindep vegeterıandyq taǵam jeýge kóshetinin málimdedi.
«RLDP-da temeki tarpaıdy, ishimdik ishpeıdi. Endi biz partııa múshelerin vegetarıandyq taǵam jeýge mindetteımiz. Oǵan birtindep kóshetin bolamyz», - degen Jırınovskııdiń sózin RIA «Novostı» keltirdi.
Saıasatker etten bıylǵy jazdan bastap bas tarqanyn moıyndady.
Buǵan deıin, aqpan aıynda qoǵamdyq oryndarda temeki shegýge tolyǵymen tyıym salýdy qarastyrǵan zań jobasyn talqylaý kezinde Vladımır Jırınovskıı kez kelgen temeki tartatyn adamdy partııadan shyǵarýǵa ýáde berdi. «RLDP-da eshkim temeki shekpeıdi, tartsa, ony partııadan qýdalaımyz. Alkogol ónimderin de eshkim paıdalanbaıdy», - dep málimdedi lıberal-demokrattar jetekshisi.
Eske sala keteıik, bıylǵy jyldyń 1 maýsymynda Reseıde temekige qarsy qarsy zań kúshine endi. Atalǵan zań qabyldanǵannan keıin temekige áýes jandardyń quqyqtary biraz shektelip qaldy. Atap aıtqanda, sodan beri qoǵamdyq oryndarda, vokzal men áýejaılarda, metroǵa kirer jerde, bilim berý jáne áleýmettik mekemelerde temeki shegýge bolmaıtyn boldy. Ruqsat etilmegen jerde temeki tartqany úshin salynatyn aıyppuldar 15 qarashadan bastap kúshine endi.
