JІÓ-ni josparlanǵan 6 paıyz deńgeıinde qamtamasyz etýge múmkindik bar - Ekonomıka jáne bıýdjettik josparlaý mınıstri
ASTANA. 23 shilde. QazAqparat - Birinshi jartyjyldyqtaǵy damýdyń oń úrdisteriniń saqtalýy bıyl jalpy ishki ónimniń josparlanǵan 6 paıyz deńgeıin qamtamasyz etýge múmkindik beredi.
Bul týraly búgin birinshi jartyjyldyqtaǵy áleýmettik-ekonomıkalyq damý qorytyndylaryna arnalǵan Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
«2013 jylǵy qańtar-mamyrda syrtqy suranystyń qysqarýy elimizdiń syrtqy saýda aınalymynyń 4,5 paıyzǵa tómendeýine soqtyrdy. Al Keden odaǵyna múshe eldermen ózara saýda bes aı ishinde ótken jyldyń tıisti kezeńimen salystyrǵanda 1,8 paıyzǵa ósip, 9,4 mıllıard AQSh dollaryn qurady», - dedi mınıstr. Onyń sózine qaraǵanda, halyqtyń naqty aqshalaı tabysy bıylǵy bes aı ishinde 2,4 paıyzǵa, qańtar-maýsymdaǵy naqty jalaqy 0,5 paıyzǵa, nomınaldy jalaqy 7 paıyzǵa ósip, 104 myń teńgeden asty. «Eńbek naryǵyndaǵy jaǵdaı turaqty bolyp otyr. Maýsymdaǵy jumyssyzdyq deńgeıi ekonomıkalyq belsendi halyqqa shaqqanda 5,2 paıyzdy qurady»,- dedi E.Dosaev.
