JІÓ-degi bıznestiń úlesiniń artýy munaı baǵasynyń tómendeýinen - Qulybaev
ASTANA. QazAqparat - JІÓ-degi shaǵyn jáne orta bıznes úlesi statıstıkasynyń artýy munaı baǵasynyń tómendeýinen bolyp otyr. Bul týraly QR Parlamenti Májilisindegi «Nur Otan» fraktsııasynyń otyrysynda «Atameken» UKP prezıdıýmynyń tóraǵasy Tımýr Qulybaev málim etti, dep habarlaıdy QazAqparat.
«Memleket basshysy 2050 jylǵa deıin shaǵyn jáne orta bıznestiń JІÓ-degi úlesin 50 protsentke jetkizý jóninde tapsyrma berdi. Qazirgi ýaqytta statıstıka boıynsha onyń kólemi 25 protsent. Endi bizge qandaı qarqynmen damý kerek ekendigimiz belgili. Munaı baǵasy tómendegendikten 25 protsent qaıdan shyqqany da túsinikti, baǵa quldyramas buryn 18 protsent bolǵan edi jáne qazirgi deńgeıi de osy shamada dep aıtýǵa tolyq negiz bar. Shynyn aıtqanda bizge úlken qarqynmen alǵa jyljý kerek. Qazaqstanda bıznestiń damýyna barlyq jaǵdaılar bar», - dep atap ótti ol.
«Atameken» UKP basshysynyń habarlaýynsha, Qazaqstan zańnamasy árdaıym jetildirilip keledi. Kórshi eldermen salystyrǵanda, Qazaqstanda bıznes úshin qolaıly jaǵdaılar jasalǵan. Degenmen bıznes-klımatty odan ári jaqsartý jumystaryn jalǵastyrý qajet.
