JІÓ byltyrǵy naqty kólem ındeksi 107,5 paıyzdy qurady - Statıstıka
ASTANA. 17 aqpan. QazAqparat - 2011 jyldyń qańtar-jeltoqsanynda elimizdegi jalpy ishki ónimniń naqty kólem ındeksi ótken jyldyń tıisti kezeńimen salystyrǵanda 107,5 paıyzdy qurady. Bul týraly QR Statıstıka agenttiginen habarlandy.
Atap aıtqanda, agenttik málimetteri boıynsha, JІÓ qurylymynda taýarlar óndirisiniń úlesi 43,1 paıyzdy, al qyzmetter - 51,9 paıyzdy quraıdy. Naqtylaı aıtqanda, JІÓ qurylymynda ónerkásip úlesi 31,3 paıyzdy (ótken jylǵa 103,3 paıyz), qurylys 6 paıyzdy (ótken jylǵa 102,7 paıyz) quraǵan. Al esepti kezeńde JІÓ qurylymyndaǵy ónimder men ımportqa salynǵan salyqtar 7 paıyzdy qurady.
