Jynys múshesine altyn jasyrǵan: Túrkııa áýejaıynda ózbekstandyq 6 áıel ustaldy

ASTANA. KAZINFORM – Áıelderdi tekserý kezinde olardyń jynys múshelerine jasyrylǵan árqaısysynyń salmaǵy 110 gramm bolatyn 84 altyn quımasy bar ekeni anyqtalǵan.

Túrkııanyń Izmır qalasynyń áýejaıynda júrgizilgen operatsııa barysynda ózbek ultyna tán 6 jolaýshy áıel men olardy qarsy alýǵa kelgen adamdar tekserilgen. Nátıjesinde olarda 166 quıma altyn men 18 oıyn prıstavkasy bar ekeni anyqtaldy. Airline Haber agenttigi kontrabandamen aınalysqan 7 adamnyń ustalǵanyn habarlady.

Belgili bolǵandaı, 2 qazan kúni operatsııa kezinde kúdikti jolaýshy áıel men olardy qarsy alýǵa shyqqan eki kólikti polıtseıler áýejaı aldynda toqtatqan. Alǵashqy tintý kezinde árqaısysynyń salmaǵy 110 gramm bolatyn 82 dana quıma altyn, 18 oıyn prıstavkasy men 3 smartfon tárkilendi.

Sot qaýlysymen kúdiktilerdiń denesin tekserý kezinde áıelderdiń jynys múshelerinde jasyrylǵan árqaısysynyń salmaǵy 110 gramm bolatyn taǵy 84 altyn quımasy bar ekeni anyqtaldy. Olar hırýrgııalyq jolmen alynyp tastaldy. 166 quıma altynnyń jalpy salmaǵy 18 keli 500 gramm, naryqtyq quny shamamen 55 mıllıon túrik lırasy (shamamen 1 604 630 dollar) ekeni jarııalandy.

Operatsııa barysynda 6 jolaýshy áıel men olarǵa kómektesken kúdikti qolǵa tústi. Sot olardy qamaýǵa alý týraly sheshim shyǵarǵan.