"Jınaq banki" uzaqmerzimdi resýrstarǵa basa nazar aýdarady - O.Smırnov
ALMATY. 13 jeltoqsan. QazAqparat /Erlik Erjanuly/ - Bizge uzaq merzimdik resýrstar kerek. "Jınaqbanki" AQ EB Basqarma tóraǵasy Oleg Smırnov búgin Almatyda jyl qorytyndysyna arnalǵan baspasóz máslıhatynda osylaı aıtty.
"Biz ózimizdiń oblıgatsııalarymyz ben qaryz quraldarymyzdy ornalastyrǵanda eń aldymen uzaqmerzimdi resýrstardy jaıǵastyrýdy basty nazarda ustaımyz. Búgingi tańda qurylymda uzaq merzimdik qorjynnyń 60 paıyzǵa jýyǵyn 1 jyldan astam ýaqytqa berilgen nesıeler quraıdy. Biz oblıgatsııalardy 7-10 jylǵa ornalastyrýdy josparlap otyrmyz. Qarjy naryǵynda qolaıdy trend bolsa ony aqpan-naýryz aılarynda jasaımyz", - dedi O.Smırnov. Onyń aıtýynsha, qarjy ınstıtýty ІRO baǵdarlamasyna oń kózqarasta. Ol qor naryǵynyń damýyna jańa serpin bermek. Qazaqstan men Reseıdiń qor naryǵynda aıtarlyqtaı aıyrmashylyq bar. Qazaqstanda Reseıge qaraǵanda emıtentter kóp emes jáne olardyń jartysynan kóbi qarjy ınstıtýtary bolyp otyr. Qor naryǵy munda eń aldymen aktsıonerlik qoǵamdardyń damý strategııasyna táýeldi. Kompanııalarda ınvestıtsııalyq tartymdylyq bar. Munda qarjy resýstaryn tartý aktsıonerlerdiń ózine baılanysty bolyp otyr.
