Jyljymaıtyn múlikke mekenjaı berý erejeleri jańartyldy
ASTANA. KAZINFORM – Qazaqstanda jyljymaıtyn múlik obektilerine mekenjaı berý jáne ony joıý boıynsha memlekettik qyzmet kórsetý qaǵıdalaryna ózgerister engizildi.
Tıisti buıryqqa Ónerkásip jáne qurylys mınıstri qol qoıdy. Qujat qyzmet kórsetý tártibin naqtylap, onyń ataýyn «Jyljymaıtyn múlik obektisine mekenjaı berý/joıý» dep resmı túrde bekitti.
Qyzmet burynǵydaı jergilikti atqarýshy organdar — qala jáne aýdan ákimdikteri arqyly kórsetiledi. Ony jeke jáne zańdy tulǵalar paıdalana alady.
Qyzmet kórsetý merzimi:
Astana, Almaty jáne oblystyq mańyzy bar qalalar úshin – 3 jumys kúni
Aýdandar úshin – 5 jumys kúni
Ótinim eGov.kz portaly arqyly beriledi. Qyzmet tegin jáne tolyqtaı elektrondy formatta kórsetiledi.
Qajetti qujattardyń basym bóligi memlekettik aqparattyq júıeler arqyly avtomatty túrde suratylady. Eger jyljymaıtyn múlikke quqyqtar týraly derekter bolmasa, ótinish berýshi olardy aldyn ala tirkeýi tıis.
Bas tartý tártibi ózgerdi
Endi bas tartý negizderi bolǵan jaǵdaıda, ótinish ıesine aldyn ala habarlama jiberilip, óz ustanymyn bildirýge múmkindik beriledi. Osydan keıin ǵana sońǵy sheshim qabyldanady.
2026 jylǵy 12 shildeden bastap:
«Mekenjaı tirkelim» tsıfrlyq júıesi engiziledi
ótinim berý tolyqtaı tsıfrlyq úkimet formatyna kóshedi
obektini fotofıksatsııamen tekserý úshin mamannyń barýy qarastyrylady
Jańartylǵan erejeler qyzmet kórsetý sapasy men ashyqtyǵyn arttyrýǵa baǵyttalǵan.
