Jyljymaıtyn múlikke quqyqty tirkeý qyzmetin onlaın alýǵa bolady
ASTANA.KAZINFORM - «Azamattarǵa arnalǵan úkimet» memlekettik korporatsııasy «Qazaqstan turǵyn úı kompanııasy» AQ-men birlesip, jyljymaıtyn múlikke quqyqtardy (aýyrtpalyqtardy) tirkeý boıynsha memlekettik qyzmetti onlaın rejıminde kórsetýdiń pılottyq jobasyn iske qosqanyn habarlady.
Endi satyp alý quqyǵy bar jaldamaly turǵyn úıge ótinim berip, elektrondyq shartty «QTK» AQ portaly arqyly rásimdeýge bolady.
Budan keıin quqyqtar men aýyrtpalyqtardy tirkeýge qajetti barlyq qujattar «Jyljymaıtyn múliktiń biryńǵaı memlekettik kadastry» júıesine avtomatty túrde joldanady.
Bul jańashyldyq memlekettik qyzmetti alý merzimin qysqartýǵa, azamattardyń shyǵyndaryn azaıtýǵa, sondaı-aq protsestiń ashyqtyǵy men qoljetimdiligin arttyrýǵa múmkindik beredi.
Buǵan deıin Qazaqstanda jyljymaıtyn múlik boıynsha biryńǵaı tsıfrlyq baza qurylǵanyn jazǵan bolatynbyz.
Avtomobıl men jyljymaıtyn múlikti satý jáne satyp alý kezinde nysan satyp alýshynyń atyna tirkelgenge deıin aqsha buǵattaýly turatyn mehanızm iske qosylmaq. Jańa joba týraly Úkimette ótken qarjy salasyna tsıfrlyq teńgeni engizý jónindegi jumys tobynyń alǵashqy otyrysynda aıtyldy.