Jylýǵa qaryz 2 mlrd teńge: Almatylyqtardyń shoty buǵattalyp, shetelge shyǵýyna tyıym salynyp jatyr
ALMATY. KAZINFORM — «Almaty jylý jelileri» JShS jylý energııasy úshin boryshy bar turǵyndardan qaryzdy sot arqyly óndirip jatyr.
«Almaty jylý júıesi» JShS málimetinshe, boryshkerlerdiń múlkine, bank shottaryna jáne olardyń shetelge shyǵýyna tyıym salynady. Sonymen qatar qaryzdy tolyq ótemeıinshe ystyq sý berý toqtatylady.
— Qaryz týraly birneshe ret eskertý alǵanyna qaramastan, tutynýshylardyń bir bóligi kommýnaldyq qyzmetti jetkizýshiniń zańdy talaptaryn elemeı jatyr. Jyl basynan beri Almatyda jylý energııasy úshin tólem jasamaǵan 600-den astam abonentke ystyq sý berý shektelgen. Sonymen qatar zańdy tulǵalarǵa sotqa deıingi 3345 talap jiberildi. Jylýmen jáne ystyq sýmen jabdyqtaý úshin qaryzy bar 5184 turǵynnan qaryzdy óndirip alý boıynsha jumys júrgizildi. Ol úshin sotqa talap-aryz berildi, sondaı-aq notarıýstarǵa atqarýshylyq jazbalar jasaý úshin aryzdar jiberildi, — dep habarlady kompanııadan.
Sondaı-aq kommýnaldyq qyzmetke tólem jasamaǵan 1 754 boryshkerge qatysty birqatar shekteý sharalary qabyldanǵan:
— 926 boryshkerdiń múlkine tyıym salyndy; — 822 banktegi shottary buǵattaldy; — 254 boryshkerge qatysty Qazaqstan Respýblıkasynan tys jerlerge shyǵýǵa tyıym salyndy;
— 144 azamattyń jalaqysy men ózge de tabysynan bereshek ustaldy.
Búgingi kúni Almatyda ystyq sý men jylý úshin qaryz shamamen 2 mlrd teńgege jetken.
Eske salaıyq, buǵan deıin elektr energııasyna qaryzy bar almatylyqtar jaryqtan ajyratylǵanyn jazǵanbyz.