Jylý maýsymyna daıyndyq: Aqtóbede bıyl 4 shaqyrym qubyr aýystyrylady

AQTÓBE. KAZINFORM – Aqtóbede 12-16 mamyr kúnderi ystyq sý bolmaıdy. Óńirde jylý maýsymyna daıyndyq bastaldy.

Aqtóbede 12-14 mamyr aralyǵynda gıdravlıkalyq synaq ótedi. Sonymen birge Aqtóbe jylý elektr ortalyǵynda eki kún jóndeý júredi. Barlyǵy 5 kún qalady ystyq sý berý toqtatylady. 

— Bıyl jylý maýsymynda iri apattar bolmady. Barlyǵy 19 derek tirkelip, der kezinde jóndeldi. Byltyrǵyna qaraǵanda bıyl apat az boldy. Endi 30-ǵa jýyq nysanda 4 shaqyrym qubyr jańartylady. Jalpy kommýnaldyq mekemede 262 shaqyrym jylý jelisi, 27 qazandyq bar. Qazirgi kezde qubyrdyń 59% tozyp tur, — dedi «Aqtobe Su-Energy Group» AQ bas ınjeneri Oljas Mektepbaı. 

Eske salsaq, Aqtóbe qalasynda jylý 20 sáýirden bastap sóndirildi. Aldymen turǵyn úılerden bastaldy.