Jylý-elektr ortalyqtaryn hakerlik shabýyldardan qorǵaý úshin Kıberqaýipsizdik ortalyǵy qurylady

ASTANA. KAZINFORM —  Tsıfrlyq basqarýǵa kóshý JEO sııaqty nysandardyń jumys tıimdiligin arttyrǵanymen, sonymen birge syrttan aralasý qaýpin de týdyryp otyr.

Otyn-energetıka keshenin kıberqaterlerden qorǵaý úshin Qazaqstanda mamandandyrylǵan aqparattyq qaýipsizdik ortalyǵy qurylatyn bolady. Memleket basshysy Qasym-Jomart Toqaevtyń «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Qazaqstan halqyna Joldaýyn júzege asyrý sheńberinde qabyldanǵan bul sheshim týraly tsıfrlyq damý, ınnovatsııalar jáne aeroǵarysh ónerkásibi vıtse-mınıstri Dmıtrıı Mýn aıtyp berdi.

Mundaı qurylymdy qurý qajettigi energetıka obektilerin qarqyndy tsıfrlandyrý aıasynda kıberqaterlerdiń ósýine baılanysty paıda bolǵan. Vıtse-mınıstrdiń aıtýynsha, tsıfrlyq basqarýǵa kóshý JEO sııaqty nysandardyń jumys tıimdiligin arttyrǵanymen, sonymen birge syrttan aralasý qaýpin de týdyryp otyr.

— Bul óz aldyna jeke mańyzdy sala bolǵandyqtan, munda salanyń ereksheligin, onda qandaı qurylǵylar baryn, qandaı úzilister bolatynyn biletin mamandar qajet. Mine, osy baǵyt pen protsesterdi túsinetin mamandar ǵana barlyq mańyzdy energetıkalyq nysandarǵa jańa talaptar ázirleýi kerek, — dep atap ótti Dmıtrıı Mýn.

Aıta ketelik tsıfrlyq shtab Prezıdent Joldaýyn oryndaý úshin birqatar sheshim qabyldaǵan edi.