Jylý berý: 2025 jyly jańartylatyn energııa kózderiniń 9 obektisi iske qosylady

ASTANA. KAZINFORM – Elimizde bıyl energetıka salasynda birqatar qýat kózi iske qosylady. Onyń ishinde 9 obekt – jańartylatyn energııa kózderine jatady. Bul týraly Úkimet otyrysynda Energetıka vıtse-mınıstri Suńǵat Esimhanov aıtty. 

— Bıyl biz 620 MVt energııa kólemin iske qosamyz: onyń 166 MVt dástúrli energetıka, «Tulpar» elektrostansasynda 130 MVt, Tekeli Jylý ortalyǵynda 36 MVt. Oǵan qosymsha jańartylatyn energııa kózderiniń 9 obektisin (455 MVt) bıyl iske qosamyz. Barlyq joba baqylaýda, — dedi ol Úkimet otyrysynda.

Aıta keteıik, búgin Úkimet otyrysynda ótken jylytý maýsymy qorytyndylanyp, aldaǵy jylý berý maýsymyna daıyndyq máselelesi talqylanyp jatyr.