Jylqy etin jep kórgimiz keledi – kóshpendiler oıyndaryna kelgen nıderlandtyq fotojýrnalıster
ASTANA. KAZINFORM – Djonna Elızavet Raıter pen Erık Ýolf – V Dúnıejúzilik kóshpendiler oıyndaryna Nıderland elinen arnaıy kelgen fototilshiler. Oıyndy tamashalap júrgen qonaqtardy áńgimege tartqan edik.
Sheteldik meımandar elimizge alǵash kelipti. Olar Qazaqstanda bir aptadaı bolýdy josparlap otyr.
«Qazaqstanǵa alǵash kelip otyrmyz, aldymen kózge túskeni halyq – qonaqjaı. Búgin keldik, áli oıyndardy tamashalap úlgermedik, Qazaqstan týraly kóbirek bilgimiz keledi. Meniń jeke saıtym bar, kóshpendiler oıyndarynyń fotolaryn sol jerde jarııalaıtyn bolamyn», - dedi Djonna Elızavet Raıter.
Eýropalyq qonaqtarǵa kóshpendiler oıyndaryndaǵy atmosfera unap jatyr, ásirese mýzyka. Sondaı-aq, ázirge qazaqtyń ulttyq taǵamdarynyń dámin tatpaǵanyn aıtty.
«Jylqy etin jep kórgimiz keledi, sebebi bizdiń elde jylqy etinen jasalatyn taǵam joq», - deıdi ol.
Odan bólek, Nıderlandtan jetken meımandar kókpar, kókbóri jáne sadaq atý oıyndaryn tamashalaıtynyn aıtty.
Eske sala ketsek, Astana ótip jatqan V Dúnıejúzilik kóshpendiler oıyndaryna qatysýshy elder 10 sport túrinen synǵa tústi.
Aıta keteıik, 9 qyrkúıektiń qorytyndysy boıynsha Qazaqstan medaldar kestesinde kósh bastady. Keshe bizdiń sportshylar qorjynǵa 14 altyn, 3 kúmis jáne 8 qola medal saldy.
