Jylqy eti áleýmettik mańyzy bar taýarlar tizbesine kirýi múmkin
ASTANA. KAZINFORM — Májiliste ótip jatqan dóńgelek ústelde jylqy eti áleýmettik mańyzy bar taýarlar tizbesine enýi múmkin ekeni aıtyldy.
Májilis depýtaty Qazybek Álishev jylqy etin tutynýshylardyń úlesi jyldan-jylǵa artyp kele jatqanyn aıtyp, nege ol áleýmettik mańyzy bar taýarlardyń tizbesine qosylmaı kele jatqanyn surady.
Bul suraqqa Saýda jáne ıntegratsııa vıtse-mınıstri Janel Kúshikova jaýap berdi.
— Eshqandaı kedergi joq. Biz ol usynysty qaraıyq. Ondaı másele osyǵan deıin kóterilgen joq. Áleýmettik mańyzy bar taýarlardyń tizimi baıaǵydan el ishinde joǵary qoldanysqa ıe ónimderden jasaqtalyp, qalyptasqan. Biz ony kezeń-kezeń saıyn qarap otyramyz. Ol taýarlardyń baǵasy qol jeterlikteı bolý kerek, — dedi Janel Kúshikova.
Ótken aıda, Saýda jáne ıntegratsııa vıtse-mınıstri Qaırat Tórebaev el óńirlerinde sıyr etiniń baǵasy óskenin rastaǵan edi.