Jylytý maýsymyna qarjy ýaqytynda bólindi, al jumys tolyq júrgizilmedi – Premer-Mınıstr

ASTANA. KAZINFORM – Premer-Mınıstr Oljas Bektenov Úkimet otyrysynda óńirlerdiń jylytý maýsymyna daıyndyq jumystaryn synǵa aldy. 

«Jylytý maýsymynyń bastalýyna bir aıdan astam ýaqyt qaldy. Búgin basshylardyń kópshiligi qansha jerden senimdi sóıleýge tyryssa da, jumystyń nátıjeli bolatynyna anyq kózim jetip turǵan joq. Jumystardyń aýqymdy bóligin eń sońǵy kúnderge qaldyrý qalypty ádetke aınaldy. ıAǵnı, durys josparlaý joq. Bekitilgen jóndeý jumystarynyń kestesin aýystyrý, qujat daıyndaý men otyn qoryn jınaý merzimderin saqtamaý faktileri jyldan-jylǵa qaıtalanyp keledi. Árkim óz isine jaýapty qarasa, mundaı keleńsiz jaǵdaılar oryn almas edi», - dedi O. Bektenov búgingi Úkimet otyrysynda.

Máselen, Qaraǵandyda «Qarmet» kompanııasynyń ekinshi jylý ortalyǵyndaǵy 2-shi qazandyqty jóndeý jumystary merziminde aıaqtalǵan joq. Oǵan qosa, 1-shi qazandyqty kúrdeli jóndeý sol kúıi bastalmaǵan.

«№7 qazandyqty jóndeý jumystary da bekitilgen kesteden keshigip jatyr. Al mamyr aıynda osy máseleni qaraǵanymyzda oblys ákimi 7-qazandyq merziminde iske qosylady dep málimdegen. Jalpy munyń barlyǵy Temirtaý qalasynyń qysqy ázirligine, qajetti jylý qýaty men rezervterdiń qamtamasyz etiletinine kúmán týǵyzady. Shahtınsk turǵyndary da daıyndyq ýaqytyly aıaqtalmaı qala ma dep alańdap otyr. Qalada tender boıynsha sol kúıi bastalmaı turǵan jumystar tóńireginde suraq kóp», - dedi Úkimet basshysy.

Mańǵystaý oblysynda MAEK 1-shi jylý elektr ortalyǵyndaǵy №4-shi týrbınany kúrdeli jóndeý jumystary áli júrip jatyr.

Sondaı-aq kombınattyń 2-shi jylý ortalyǵynda qujattar ýaqytyly daıyn bolmaǵandyqtan, merdigerdi anyqtaý múmkin bolmaı otyr.

«Úkimet tarapynan buǵan deıin MAEK-ti damytýǵa qomaqty qarjy bólindi. Oblys ákimderine osyndaı osal tustarǵa nazar aýdarý týraly birneshe ret aıtyldy. Tipti jóndeý kezinde táýekel týdyrýy múmkin naqty jaǵdaılar atap kórsetilip, shuǵyl sharalar qabyldaý qajettigi týraly tapsyrmalar da berildi. Alaıda 3 aı ótti, baıaǵy jartas – bir jartas, ózgeris shamaly. Sol óńirler áli artta, sol baıaǵy keshiktirý, keıinge shegerý», - dedi O. Bektenov.

Jylý jelilerin jańǵyrtý jumystary da baıaý. Shyǵys Qazaqstan jáne Qostanaı oblystarynda eki joba, Abaı oblysynda 1 joba boıynsha buzyp-bólshekteý jumystary ǵana júrgizilýde. Batys Qazaqstan oblysynda bir joba boıynsha merdiger uıym áli anyqtalmaǵan.

«Kommýnaldyq ınfraqurylymdy jańǵyrtýda aýqymdy josparly jumys júrgizý qajet. Onyń ábden tozyǵy jetti. Demek jelilerdi josparly túrde aýystyryp, zamanaýı jabdyqtar ornatý kerek. Jalpy qazirgi jumys qarqyny jylytý maýsymyn ýaqtyly ári sapaly bastaýǵa táýekeldiń áli de joǵary ekenin kórsetip otyr. ıAǵnı, ákimdikter tarapynan baqylaý jetkiliksiz. Bul rette respýblıkalyq bıýdjetten qajetti qarajat ýaqytyly bólingen», - dedi Premer-Mınıstr.

Sonymen birge, Úkimette Ónerkásip jáne qurylys mınıstrligi, óńir ákimdikteri 1 qyrkúıekke deıin bilim berý obektileriniń tolyq daıyndyǵyn, al 15 qazanǵa deıin – densaýlyq saqtaý, turǵyn úı-kommýnaldyq sharýashylyq jáne turǵyn úı qory obektileriniń ázir bolýyn qamtamasyz etý tapsyrmasy berildi.

«Áleýmettik kómirdi bıznes sýbektilerine satýǵa jol berýge bolmaıdy. Bul kómir halyqqa arnalǵan», - dep eskertti Oljas Bektenov. 

Buǵan deıin Premer-Mınıstr maımyl sheshegine qatysty áýejaılarda baqylaý jumystaryn kúsheıtýdi tapsyrǵan edi.