Jylytý maýsymyna daıyndyq bastaldy
ASTANA. KAZINFORM – Ónerkásip jáne qurylys mınıstrligi aldaǵy jylý maýsymyna daıyndalý maqsatynda is-sharalar josparyn ázirledi.
− Osy josparǵa sáıkes, jergilikti atqarýshy organdar 1 qyrkúıekke deıin 10 876 bilim berý nysanyn jylytý merzimine daıyndaýy qajet. 15 qyrkúıekke deıin ortalyq, soltústik jáne shyǵys óńirlerde, 15 qazanǵa deıin qalǵan óńirlerde 5 644 densaýlyq saqtaý nysandaryn, jáne 51 637 turǵyn úıdiń daıyndyǵyn qamtamasyz etý mindetteldi, − dedi E. Naǵaspaev Úkimettiń búgingi otyrysynda.
Sonymen birge, sala mınıstri jylý berý maýsymyna daıyndyq esebin apta saıyn usynýdy, kómirge qajettilik josparyn ázirlep-bekitýdi jáne barlyq óńirdegi kómir operatorlarynyń bırjalyq saýdaǵa qatysýyn, bıýdjettik uıymdarǵa kómirdi daıyndaý jumystaryn bastaýdy, debıtorlyq bereshekti óteý boıynsha shara qabyldaý qajettigin aıtty.
Buǵn deıin E. Naǵaspaev elimizde 110 mıllıon tonna kómir óndirilgenin, onyń 30 mıllıon tonnasy eksportqa shyǵarylǵanyn aıtqan edi.
Sonymen birge, eldegi ınjenerlik jelilerdiń teń jartysy tozǵan.