Jylytý maýsymy kúrdeli aqaýsyz ótti - EM

ASTANA. KAZINFORM – 2024–2025 jylǵy jylýmen jabdyqtaý kúzgi-qysqy maýsymy kúrdeli aqaýsyz ótti. Bul týraly Ortalyq kommýnıkatsııalar qyzmetindegi brıfıngte Energetıka vıtse-mınıstri Suńǵat Esimhanov aıtty.

Onyń dereginshe, maýsymǵa daıyndyq 10 energetıkalyq bloktyń, 55 qazandyqtyń jáne 45 týrbınanyń kúrdeli jóndeýin qamtyp, JEO jáne jylý jelilerindegi joǵary tozýdy azaıtý protsesin bastaýǵa múmkindik berdi. Elektr stantsııalaryndaǵy tehnologııalyq buzýshylyqtar sany 27 paıyzǵa azaısa, al temperatýra kestesin saqtamaý jaǵdaılary 3,3 esege qysqardy.

Mańyzdy jetistik retinde 12 JEO jaǵdaıynyń jaqsarýyn atap ótýge bolady: 9-y «qyzyl» aımaqtan «sary» aımaqqa, al 3-eýi «sary» aımaqtan «jasyl» aımaqqa ótti. Nátıjesinde «qyzyl» aımaqta 10 JEO qaldy (buryn 19), «sary» aımaqqa 17 JEO (buryn 11), «jasyl» aımaqqa 10 JEO (buryn 7) ótti.

Kelesi jylytý kezeńine daıyndyq aıasynda bekitilgen kestege sáıkes 10 energııa blogy, 63 qazan jáne 39 týrbınaǵa kúrdeli jóndeý júrgizý josparlanǵan. Búgingi tańda 3 energııa blogynda, 12 qazanda jáne 4 týrbınada jóndeý jumystary bastaldy.

Buǵan deıin Qazaqstanda jylytý maýsymyna daıyndyq monıtorıngi júıesi men bilim berý platformasy iske qosylatynyn jazǵan edik.