Jylytý maýsymy: elordanyń turǵyn úı sektorynda 60 reıd ótkizildi

ASTANA. KAZINFORM — Jylytý maýsymy bastalǵaly beri qalanyń turǵyn úı sektorynda 12 órt tirkelgen, dep habarlaıdy Astana qalasynyń ákimdigi.

Astana TJD baspasóz qyzmetiniń málimetinshe, bıyl 28 qyrkúıekte jylytý maýsymy bastalǵannan beri elordanyń turǵyn úı sektorynda órt qaýipsizdigi erejelerin buzý jaǵdaılaryn anyqtaý jáne aldyn alý boıynsha 60 reıdtik is-shara ótkizildi.

— Іs-shara barysynda 31 myń jeke turǵyn úı qamtyldy, onyń ishinde 4 437-i úı-aýlalardy aralaý jolymen júzege asyryldy. Aralaý kezinde 8 000-ǵa jýyq órt qaýipsizdigi erejelerin buzý deregi anyqtaldy, — delingen habarlamada.

Qazirgi ýaqytta qala boıynsha TJD esebinde halyqtyń áleýmettik osal toptary boıynsha 1 738 otbasy tirkelip tur, onyń ishinde 704 otbasy jeke úılerde turady. Olardyń barlyǵy profılaktıkalyq túsindirý jumystarymen tolyq qamtylǵan, sondaı-aq ataýly áleýmettik kómek kórsetý úshin tıisti organdarǵa hattar joldandy.

Sońǵy tórt jylda 3 000-nan astam datchık ornatyldy, al aǵymdaǵy jyly aýdandyq ákimdiktermen birlese otyryp halyqtyń áleýmettik osal toptarynan shyqqan 233 otbasy úılerinde kómirtegi totyǵy datchıkteri ornatyldy.

Sonymen qatar, birqatar úıde peshter men elektr jelilerine jóndeý jumystary júrgizildi. Bul baǵyttaǵy jumys jalǵasady.

Budan buryn Astanada qonaqúı órtenip, 60 adam evakýatsııalanǵany týraly jazǵan edik.