Jylytý maýsymy bastalǵaly 132 qazaqstandyq órt pen ıisten qaza boldy

ASTANA. KAZINFORM – Jylytý maýsymy bastalǵan 1 qazannan beri turǵyn úı sektorynda shamamen 2200 órt oqıǵasy tirkeldi. Bul týraly Tótenshe jaǵdaılar mınıstrligi habarlady.

Vedomstvo derekterine sáıkes, búgingi kúnge deıin órt saldarynan 109 adam qaza taýyp, taǵy 90 adam jaraqat alǵan.

Budan bólek, ýly gazdan ýlaný oqıǵalary da tirkelgen. 2024 jyldyń 1 qazanynda bastalǵan jylytý maýsymy barysynda ýly gazdan ýlaný saldarynan 23 adam qaza taýyp, 50 adam jaraqat alǵan.

TJM atap ótkendeı, Qazaqstanda ásirese jeke turǵyn úı sektoryndaǵy órt oqıǵalary eń jıi kezdesetin tótenshe jaǵdaılardyń biri bolyp qala beredi.

Óz kezeginde, aldyn alý sharalaryna, qaýipsizdikti arttyrýǵa jáne jylytý maýsymynda saqtyq sharalary týraly halyqty habardar etýge basa mán beriledi.

Buǵan deıin Aslan Ýákishev Aqmola oblysyndaǵy 95 avtokóliktiń soqtyǵysý sebebin aıtty.

Sondaı-aq, qutqarýshylar jeke kólikti qar qursaýynan shyǵarýǵa mindetti emestigin, basty mindet – adamdardy qutqarý ekenin eske saldy.