Jylytý maýsymy: Almatyda jylý qandaı nysandarǵa birinshi beriledi

ALMATY. KAZINFORM — Almatynyń energetıka jáne sýmen jabdyqtaý basqarmasy jylý aldymen balabaqshalarǵa, mektepterge, medıtsınalyq mekemelerge, áleýmettik uıymdarǵa beriletinin habarlady. 

Odan keıin turǵyn úıler, jataqhanalar men qonaq úıler qosylady. Úshinshi kezekte ákimshilik ǵımarattar, joǵary oqý oryndary, teatrlar qamtylady. Eń sońynda ózge de nysandarǵa jylý beriledi.

— Jylytý maýsymyn bastaý týraly sheshim bes táýlik boıy syrtqy aýanyń táýliktik ortasha temperatýrasy +8°S jáne odan tómen bolǵan jaǵdaıda qabyldanady, — dep málimdedi basqarmadan.

Jylýǵa qosý jumystary bekitilgen kestege sáıkes, tutynýshylarǵa jylýdy úzdiksiz jetkizý talaptaryn saqtaı otyryp júrgiziledi.

Eske salaıyq, buǵan deıin Almaty turǵyndary jylý men ystyq sýǵa qaryzyn ósimpulsyz óteı alatynyn jazǵanbyz.