Jylytý máselesine atústi qaraýdy doǵaryńyzdar – Oljas Bektenov
ASTANA. KAZINFORM – Premer-mınıstr Oljas Bektenov jylý nysandaryn jańǵyrtýda bıýdjet tepe-teńdigin saqtaý qajettigin aıtty.
«Bul rette respýblıkalyq, jergilikti bıýdjetterden jáne ınvestıtsııalyq baǵdarlamalar aıasynda qarjylandyrýdyń tepe-teńdigin qamtamasyz etý qajet. Qazir negizinen respýblıkalyq bıýdjet qarajaty jumsalyp jatyr. Ákimder Ulttyq ekonomıka mınıstrligimen birlesip, monopolıstermen jumys júrgizip, qarjylandyrý boıynsha eń ońtaıly tetikterdi usynsyn. Jóndeý jumysynda qaýip bar. Jergilikti jerlerde barlyq ákimderdiń jumysyn kórip otyrmyz», - dedi ol.
Premer-mınıstr Mańǵystaý oblysyndaǵy MAEK-tiń №2 jylý ortalyǵynyń qazandyǵyn jóndeý jumystary 8 qańtardan beri bastalmaı kele jatqanyn synady.
«Ulytaý oblysy da Jezqazǵan jylý elektr ortalyǵynyń qazandyǵyn jóndeýge kirisken joq. Ákimder, sizderge aıtarym, jylytý maýsymy boıynsha shtab jumysyna atústi qaraýdy doǵaryńyzdar. Obektilerge ózderińiz shyǵyp, jóndeý jumysynyń barysyn tikeleı baqylaýǵa alý kerek», - dedi Oljas Bektenov.
