Jylyoıda sý sorǵyzý jumystary kezinde qutqarýshy jigit qaza tapty
ASTANA. KAZINFORM - Jylyoı aýdanynda sý sorǵyzý jumystaryn júrgizý barysynda 23 jastaǵy azamat qaza tapty, dep habarlaıdy Atyraý oblysy TJD baspasóz qyzmeti.
"2024 jylǵy 29 mamyrda Atyraý oblysy TJD Órt sóndirý jáne avarııalyq-qutqarý jumystary qyzmetiniń Atyraý qalasy №1 mamandandyrylǵan órt sóndirý bóliminiń bólimshe komandıri azamattyq qorǵaý serjanty Rakym Beıbarys Jalǵasbaıuly Jylyoı aýdanynyń Qulsary qalasynda sý sorý boıynsha avarııalyq-qutqarý jumystaryn júrgizý barysynda baqılyq boldy. Oqıǵanyń mán-jaıy anyqtalýda" delingen habarlamada.
Rakym Beıbarys 2001 jyly Atyraý qalasynda týǵan. Azamattyq qorǵaý organdarynda 2021 jyldan bastap qyzmet etti. Osy qysqa ýaqyt ishinde birneshe iri, kúrdeli órtterge qatysyp, adam ómirin, múlkin qutqarýda, qorǵaýda bar kúsh-jigerin salyp, halyq alǵysyna da bólengen bolatyn.
Beıbarystyń artynda ata-anasy, baýyrlary men jary qaldy.
