Jylyoı aýdanyndaǵy sý tasqynynan zardap shekken 3271 otbasyna 1,2 mlrd teńge tólendi

ATYRAÝ. KAZINFORM – Atyraý oblysynyń Jylyoı aýdanyndaǵy sý tasqynynan zardap shekken 3271 otbasyna 1,2 mlrd teńge tólendi.

Atyraý oblysynyń ákimi Serik Shápkenovtiń málimetinshe, Jylyoı aýdanynda turatyn 3398 otbasynan bir rettik metarıaldyq kómek alýǵa ótinish bergen. 

Qazir Jylyoı aýdandyq jumyspen qamtý jáne áleýmettik baǵdarlamalar bóliminiń qyzmetkerleri sý tasqynynan zardap shekken otbasylardyń ótinishin táýlik boıy óńdeıdi.

«Jylyoı aýdanyndaǵy sý tasqynynan zardap shekken otbasylarǵa bir jolǵy áleýmettik tólem berý týraly sheshim qabyldandy. Bul tólem 100 aılyq eseptik kórsetkish mólsherinde usynylyp otyr. Osy kezge deıin atalǵan aýdanda turatyn 3271 otbasyna jalpy somasy 1 mlrd 267 mln 653 myń 200 teńgeniń g teńgege 100 AEK mólsherinde birjolǵy materıaldyq kómek tólendi. Jergilikti turǵyndardyń ótinishin qabyldaý jalǵasyp jatyr», - dedi Serik Shápkenov.

Eske sala ketelik, buǵan deıin Jylyoı aýdanynda 1866 otbasy bir rettik áleýmettik kómek qarjysyn alǵanyn habarlaǵan bolatynbyz. 

Keıin Atyraýdaǵy Qulsary qalasynan 887 myńnan astam tekshe metr sý sorylǵanyn jazǵan edik. 

Sondaı-aq, Atyraý oblysynda sý tasqynynan zardap shekkenderden 226 ótinish túsken.