Jylyoı aýdanynda mektep bitiretin 684 túlektiń basym bóligi UBT tapsyrady
ATYRAÝ. KAZINFORM – Atyraý oblysyndaǵy Jylyoı aýdanynda mektep bitiretin 684 túlektiń basym bóligi UBT tapsyrady.
Jylyoı aýdandyq bilim bóliminiń basshysy Gúljansara Tańatarovanyń málimetinshe, munda jalpy bilim beretin 20 orta mektep bar. Mekteptiń deni Qulsary qalasynda ornalasqan.
«Bıyl mektep bitiretin túlekterdiń basym bóligi UBT tapsyrýǵa nıet bildirip otyr. Qazir 617 túlek UBT tapsyrý úshin ótinish berdi. Qazir olar memlekettik emtıhandardy tapsyryp júr. Bir túlek densaýlyǵyna baılanysty Atyraý oblystyq bilim basqarmasynyń buıryǵymen memlekettik emtıhannan bosatyldy», -dedi Gúljansara Tańatarova.
Onyń aıtýynsha, Jylyoı aýdanynda 9-synypty bitiretin 1606 oqýshy bar. Oqýshylardyń 30 paıyzy oqýyn kolledjderde jalǵastyrýdy sheshim qabyldaǵan.
Eske sala ketelik, buǵan deıin Qulsaryda tasqynnan zardap shekkender úshin 80 úı salýǵa 2,6 mlrd teńge bólingenin jazǵan edik.
Sondaı-aq, Qulsaryda jańa turǵyn úılerdiń qabyrǵasy qalanyp jatqanyn habarlaǵan bolatynbyz.
Atyraý oblystyq qurylys basqarmasynyń bólim basshysy Darhan Tilepbergenniń málimetinshe, turǵyn úılerdiń qurylysyn júrgizý úshin jergilikti kompanııalardan úsh merdiger tańdalǵan. Jańadan salynýǵa tıis 80 úı «Qazaqstan halqyna» qory bólgen qarjyǵa salynady. Al, 20 úıdiń qurylysy jergilikti bıýdjet esebinen boı kóteredi. Qyrkúıek aıynda 100 úıdi paıdalanýǵa tapsyrý kózdelip otyr. Qazir qurylys jumysyna 100 qurylysshy maman, 50 tehnıka tartylǵan.
