22:52, 05 Sáýir 2024 | GMT +5
Jylyoı aýdanynda medıtsınalyq uıymdar shtattyq rejımde jumys istep jatyr
QULSARY. KAZINFORM - Atyraý oblysy Jylyoı aýdanynda medıtsınalyq uıymdar shtattyq rejımde jumys istep jatyr. Bul týraly oblystyq jedel shtabtan habarlady.
«Jylyoı aýdanyndaǵy jaǵdaıǵa qaramastan, barlyq medıtsınalyq uıymdar shtattyq rejımde jumys isteıdi. Qosymsha dárigerler men jedel medıtsınalyq járdem brıgadalary tartyldy. Barlyq evakýatsııalanǵan halyqty dárigerler tekseredi», - delingen habarlamada.
Eske salaıyq, aýdanda jedel jeli iske qosyldy. Kómekke muqtaj turǵyndar +7 778 249 0253 nómirine habarlasa alady.
Qulsary qalasynda 500 úıdi tasqyn sý basyp, 2400 adam kóshirilgen bolatyn.
Qazirgi jaǵdaıǵa baılanysty Qulsary qalasyna qosymsha tehnıkalar kelip jatyr.