Jylyoı aýdanynan 1942 otbasy bir rettik áleýmettik kómek alýǵa ótinish berdi
ATYRAÝ. KAZINFORM – Jem ózeniniń tasqyn sýy basqan Jylyoı aýdanynan 1942 otbasy bir rettik áleýmettik kómek alýǵa ótinish berdi.
Atyraý oblystyq jumyspen qamtý jáne áleýmettik baǵdarlamalar basqarmasy basshysy Azamat Mámbetovtiń aıtýynsha, tasqynnan zardap shekken otbasylarǵa 100 aılyq eseptik kórsetkish mqlsherinde áleýmettik tólem berý kózdelgen.
«Jylyoı aýdanyndaǵy tasqynnan zardap shekken otbasylarǵa beriletin bir rettik áleýmettik tólemniń mólsheri – 369 myń 200 teńge. Bir rettik tólemdi alý úshin tórt qujat tapsyrý qajet. Bul – tólem alýǵa ótinish, jeke basyn kýálandyratyn qujat, bankteen ashylǵan arnaıy eespshot, jergilikti ákimdikten berilgen anyqtama. Búginge deıin 1942 otbasynyń ótinishi qabyldandy», - dedi Azamat Mámbetov.
Onyń aıtýyna qaraǵanda, bir rettik kómek alý úshin ótinishti 2800 otbasynan qabyldaý josparlanǵan. Qazir ótinishti qabyldaý Qulsary qalasy men «Teńiz» ken ornyndaǵy evakýatsııalyq pýnktte qabyldanyp jatyr.
Eske sala ketelik, Qulsary qalasynda saýda oryndary ashylyp, avtobýs júre bastaǵanyn habarlaǵan edik.
