Jylyoı aýdanynda sanıtarlyq-hımııalyq zertteýler úshin sýdyń synamasy alyndy
ATYRAÝ. KAZINFORM – Jylyoı aýdanynda taldama jasaý úshin sý synamalary alyndy. Bul týraly Atyraý oblysy boıynsha sanıtarlyq-epıdemıologııalyq baqylaý departamenti habarlady.
Atyraý oblysy boıynsha sanıtarlyq-epıdemıologııalyq baqylaý departamenti basshysynyń mindetin atqarýshy Alııa Bekeshevanyń aıtýynsha, sý qubyrynan úsh hımııalyq jáne úsh mıkrobıologııalyq zertteýler úshin synama alyndy. Bótelkedegi sýdyn synama eki mıkrobıologııalyq jáne hmımııalyq zertteý úshin alyndy. Qazir taldama júrgizilip jatyr.
– Jylyoı aýdandyq sanıtarlyq-epıdemıologııalyq baqylaý basqarmasynyń mamandary sýdy paıdalanbastan buryn ony tundyryp, qaınatý qajettigi jóninde turǵyndarǵa túsinik berdi. Sondaı-aq, bótelkedegi sýdy paıdalaný kerek. Tutastaı alǵanda, barlyq eldi mekenderdegi sanıtarlyq-epıdemıologııalyq ahýal qalypty, baqylaýda tur. Medıtsınalyq kómek kórsetý uıymdastyrylǵan, - dep atap ótti Á. Bekesheva.
