Jylyoı aýdany ákimdigi aldynda birneshe kún turǵan qulsarylyq turǵyndar tarady
ATYRAÝ. KAZINFORM – Jylyoı aýdany ákimdiginiń aldynda birneshe kún turǵan qulsarylyq turǵyndar tarady.
Jylyoı aýdany ákimdiginiń málimetinshe, Qulsary qalasynyń turǵyndary sý basqan turǵyn úı úshin beriletin ótemaqyǵa baılanysty júrgizilip jatqan jumystarǵa túsinistikpen qaraǵan.
«Alda óte mańyzdy jumys tur. Bul – tasqyn sýdyń zardabyn qalpyna keltirý. Beıbit jınalysqa qatysýshylardyń shatyrlary jınaldy. Barlyq qoǵamdyq oryn qalypty rejımde jumys istep tur. Mobıldi toptar zardap shekken turǵyndarǵa zalaldy baǵalaý nátıjesimen tanystyrýdy jalǵastyrýda. Turǵyndarǵa №20 mektepte jáne 109 baılanys ortalyǵy arqyly úzdiksiz konsýltatıvtik keńes berilip otyr», - dep habarlady aýdandyq ákimdikten.
Tasqyn sýdan zardap shekken turǵyndar Jylyoı aýdandyq ákimdigi aldyndaǵy alańǵa 15 mamyrda jınalǵan edi. Qazir ákimdik ǵımaratynyń aldyndaǵy alań jınalyp turǵan turǵyndar joq.
Eske sala ketelik, budan buryn tasqyn sý basqan Qulsarynyń turǵyndary aýdandyq ákimdik aldyna jınalǵanyn habarlaǵan edik.
