Jyldyń qorytyndy týrnırinen keıin Elena Rybakınanyń reıtıngidegi orny anyqtaldy

Meksıkanyń Kankýn qalasynda ótken WTA qorytyndy týrnırden keıin Elena Rybakınanyń álemdik reıtıngidegi orny anyqtaldy, dep habarlaıdy Kazinform. 

WTA qorytyndy dodasynda Polsha ókili Iga Shventek fınalda amerıkalyq Djessıka Pegýlany 6:1, 6:0 esebimen oısyrata utyp, dúnıejúzilik reıtıngide qaıtadan kósh bastady.

Osylaısha, I.Shventek bıyl da jyldy álemniń 1-raketkasy retinde túıindeıtin bolady. Belarýs sportshysy Arına Sobolenko ekinshi orynǵa yǵyssa, amerıkalyq Korı Gaýff úzdik úshtikte, qazaqstandyq Elena Rybakına tórtinshi satyda qaldy.

WTA qorytyndy saıysynda E.Rybakına óz tobynda úshinshi orynǵa ıe bolyp, jartylaı fınalǵa shyǵa almaǵan edi.

Taǵy bir qazaqstandyq ıÝlııa Pýtıntseva reıtıngide 70-ten 69-ǵa kóterildi.

Juptyq synda amerıkalyq Storm Hanter, belgııalyq Elıze Mertens, D.Pegýla alda keledi.

Qazaqstannyń juptyq syndaǵy kóshbasshysy Anna Danılına 57-den 56-ǵa shyqsa, E.Rybakına 118-den 119-ǵa tómendedi.

Ótken aptada Týnıstegi jarystyń jeńimpazy atanǵan Jibek Qulambaeva 160-tan 151-ge joǵarylady.

Eske sala keteıik, budan buryn Qazaqstan tennısshi qyzdarynyń álem chempıonatyn jeńispen bastaǵanyn jazǵan bolatynbyz.