Jyldyń qorytyndy týrnırin utqan ıtalııalyq tennısshi biregeı nátıjege qol jetkizdi
ASTANA. KAZINFORM — Italııalyq, álemniń 2-raketkasy ıAnnık Sınner birde-bir sette utylmaı, qatarynan jyldyń eki qorytyndy týrnırin utqan birinshi tennısshi atandy.
Italııalyq tennısshi Týrınde aıaqtalǵan ATP qorytyndy týrnıriniń fınalynda álemniń 1-raketkasy, ıspanııalyq Karlos Alkarasty jeńdi — 7:6 (7:4), 7:5.
Sınner 2024 jyly da ATP qorytyndy jarysynda úzdik shyqqan edi. Onda fınalda amerıkalyq Teılor Frıtsten basym túsken.
Osylaısha, ıtalııalyq tennısshi sporttyq jolynda 24-inshi, bıylǵy maýsymda altynshy tıtýlyna qol jetkizdi. Buǵan deıin ol Parıjde, Beıjińde, Venada, sondaı-aq Ýımbldon Aýstralııa ashyq chempıonatynda úzdik atandy.
Sonymen qatar Sınner úzdik ondyqqa kiretin tennısshilerdi 59 ret utty. Ol sońǵy 78 matchtyń 71-inde qarsylastaryn qapy qaldyrdy.
Týrındegi aıtýly dodada birde-bir oıynda jeńilmegen ıA.Sınner 5 mln 71 myń AQSh dollary kóleminde tabys tapty. Onyń osy maýsymdaǵy tabysy 19,12 mln dollarǵa jetti.
Bıyl Er-Rııadta ótken WTA qorytyndy týrnırinde Qazaqstannyń birinshi raketkasy Elena Rybakına barlyq bes kezdesýinde qarsylastaryn utyp, 5 mln 235 myń dollar tabys tapqan edi. Sóıtip ol áıelder tennısi tarıhynda rekordtyq nátıjeni tirkedi.
Eske sala keteıik, budan buryn Denıs Evseevtiń Mysyrdaǵy týrnırdiń fınalyna shyqqanyn jazǵan edik.
Sondaı-aq jas tennısshi Sonıa Jıenbaeva AQSh-taǵy jarystyń jeńimpazy atandy.
Denıs Evseev Sharm-el-Sheıh (Mysyr) ITF M15 týrnıriniń fınalynda germanııalyq Vensan Maryskodan 6:7 (1:7), 1:6 esebimen utylyp qaldy.
