Atyraýda temir qabyldaý pýnktiniń aýmaǵynda eki vagon órtendi
ATYRAÝ. KAZINFORM — Atyraý qalasynda temir qabyldaý pýnktiniń aýmaǵynda paıdalanylmaı turǵan eki temirjol vagony órtendi. Zardap shekkender joq.
Órt 25 qyrkúıekte Quttyǵaı batyr kóshesi, № 15 mekenjaıynda ornalasqan temir qabyldaý pýnktiniń aýmaǵynda bolǵan.
Tótenshe jaǵdaılar departamentiniń málimetinshe, qyzyl jalyn 17:48–de oqshaýlandy. Oqıǵa ornyna Atyraý oblysy TJD qyzmetkerleri men arnaıy tehnıkasy jumyldyrylǵan.
— Zardap shekkender joq. Vagondardyń ishinde eshqandaı zat bolmaǵan. Qyzyl jalyn jaqyn mańdaǵy ǵımarattarǵa taralmaǵan, — dedi TJD baspasóz qyzmeti.
Eske salaıyq, buǵan deıin 24 qyrkúıekte Atyraýdaǵy KPI zaýytynan órt shyqqanyn jazdyq.
