Jyldamdyq rejımi jıi buzylatyn jol ýchaskeleri belgili boldy

Kólik mınıstrligi jyldamdyq rejımi jıi buzylatyn jol ýchaskelerin atady, dep habarlaıdy QazAqparat tilshisi.

«Jol salasynyń normatıvtik bazasyn jetildirý jónindegi is-sharalar sheńberinde jol qozǵalysy qaýipsizdigin arttyrý turǵysynan avtojoldardy jobalaý, salý, jóndeý jáne rekonstrýktsııalaýdy reglamentteıtin myńnan astam qujat boıynsha jumys júrgizilýde. Búginde kólik júrgizýshileri jyldamdyq rejımin jıi buzǵan 8 ýchaske anyqtaldy. Bul «Astana-Şýchınsk», «Şýchınsk-Kókshetaý», «Astana-Pavlodar», «Qonaev-Taldyqorǵan», «Shymkent-Tashkent», «Shymkent-Qyzylorda», «Shymkent-Taraz» jáne «Taraz-Qaınar» joldary», - dedi Kólik mınıstriniń ýaqytsha mindetin atqarýshy, Avıatsııa komıtetiniń tóraǵasy Talǵat Lastaev Úkimet otyrysynan keıin ótken baspasóz máslıhatynda.

Jyldyń sońyna deıin ıntegratsııa boıynsha jumystar taǵy 10 ýchaskede júrgiziledi.

Atap aıtqanda, «Pavlodar-Qalbataý», «Pavlodar-Omby», «Kókshetaý-Petropavl», «Oral-Samara», «Oral-Saratov», «Beıneý-Aqjigit», «Aqtóbe-Orynbor», «Qostanaı-Troıtsk» «Aqtaý-Beıneý» jáne «Qyzylorda-Qarabutaq», - deıdi ol.