«Jyl volontery» halyqaralyq syılyǵyna onlaın-daýys berý bastaldy
ASTANA. KAZINFORM — 2025 jylǵy 6–15 qazan aralyǵynda Qazvolunteer.kz biryńǵaı onlaın-platformasynda «Jyl volontery» halyqaralyq syılyǵynyń alǵashqy kezeńi — onlaın-daýys berý ótedi, dep habarlaıdy Mádenıet jáne aqparat mınıstrliginiń baspasóz qyzmeti.
Vedomstvo málimetinshe, tehnıkalyq irikteý qorytyndysy boıynsha baıqaýǵa 174 úmitker qatysyp jatyr.
— Atalǵan syılyq Memleket basshysynyń bastamasymen taǵaıyndalyp, volonter mádenıetin damytýǵa, azamattyq jaýapkershilik alyp, áleýmettik jáne qoǵamdyq mańyzdy máselelerdi sheshýge zor úles qosqan volonterlerdi yntalandyrý jáne qoldaýǵa baǵyttalǵan. Bes jyl ishinde Premııany Qazaqstan, Qyrǵyzstan, Ózbekstan jáne Reseıden 247 volonter jeńip aldy. 2025 jyly syılyq 15 nomınatsııa boıynsha tabystalady, — delingen habarlamada.
Olar keń volonterlik qyzmet aýqymyn qamtıdy. Onyń ishinde áleýmettik jobalar men bilim berý, janýarlardy qorǵaý jáne ekologııalyq sharalarǵa deıingi bastamalar bar.
Árbir qazaqstandyq daýys berýge qatysyp, qoǵamdy damytý úshin kún saıyn azamattyq ustanymynan taımaı eńbek etip júrgen volonterlerge qoldaý kórsete alady. «Jyl volontery» halyqaralyq syılyǵy Qazaqstanda ǵana emes, shekaradan tys jerlerde de úzdik tájirıbeler men volonterlik qozǵalys kóshbasshylaryn dáripteıtin mańyzdy platformaǵa aınalyp keledi.
Aıta keteıik, «Jyl volonteri» Halyqaralyq syılyǵyn alýǵa birinshi kezeńge deıin (onlaın daýys berý) jiberilgen úmitkerlerdiń tizimin (2025) kórý úshin silteme arqyly ótý kerek.
Budan buryn SQO-da volonterler sýıtsıdtik minez-qulyqty anyqtaýǵa úırengenin jazǵan edik.