«Jyl volonteri» halyqaralyq syılyǵynyń fınalısteri anyqtaldy

ASTANA. KAZINFORM - «Jyl volonteri» halyqaralyq syılyǵyn tabystaýǵa arnalǵan konkýrstyń alǵashqy kezeńi aıaqtaldy.

Mádenıet jáne aqparat mınıstrliginiń baspasóz qyzmeti málimetinshe, onlaın daýys berýge 50 myńnan astam adam qatysyp, volonterlerge qoldaý kórsetti. Bul – elimizde volonterlik qozǵalysqa qoǵam tarapynan qyzyǵýshylyqtyń artyp, azamattyq bastamalarǵa qoldaý kórsetý mádenıetiniń nyǵaıyp kele jatqanyn kórsetedi.

Onlaın daýys berý qorytyndysymen 15 nomınatsııanyń árqaısysy boıynsha úzdik on úmitker irikteldi. Konkýrstyń kelesi kezeńinde fınalıster konkýrs komıssııasynyń saraptamalyq baǵalaýynan ótedi.

5 jeltoqsan – Halyqaralyq volonterler kúnine oraı Astana qalasynda «Jyl volonteri» halyqaralyq syılyǵyn tabystaý rásimi ótedi. Іs-shara barysynda qoǵam ıgiligi úshin aıanbaı eńbek etip júrgen úzdik volonterler marapattalyp, jeńimpazdar jarııalanady.

«Jyl volontery» halyqaralyq syılyǵyna onlaın daýys berý bastalǵanyn jazǵan bolatynbyz.

BUU 2026 jyldy halyqaralyq volonterler jyly dep jarııalady. Elimizde eriktilerdiń basy Volonterlerdiń biryńǵaı platformasynda birikken. Biz eriktilerdi shyn baǵalap júrmiz be? Volonter tárbıe quraly ma, álde tegin jumys kúshi me? Kazinform tilshisi saralap kórdi.

«Jyl volonteri» halyqaralyq syılyǵyn taǵaıyndaý qaǵıdalary ózgeredi.

5-shi Dúnıejúzilik kóshpendiler oıyndaryn ótkizýge úles qosqan eriktiler marapattaldy.