«Jyl volonteri» halyqaralyq syılyǵyna daýys berý bastaldy
ASTANA. KAZINFORM – Qazaqstanda «Jyl volonteri» halyqaralyq syılyǵyna onlaın daýys berý bastaldy. Bıyl baıqaýǵa 235 úmitker qatysyp jatyr, dep habarlaıdy Mádenıet jáne aqparat mınıstrligi.
Onlaın daýys berý 10-19 qazan aralyǵynda Qazvolunteer.kz biryńǵaı platformasynda ótedi. Bul – halyqaralyq syılyqtyń alǵashqy kezeńi.
Tehnıkalyq irikteý nátıjesinde baıqaýǵa 235 úmitker jiberilgen. Endi olardyń arasynan úzdikterdi anyqtaýǵa kez kelgen adam qatysyp, ózi tańdaǵan volonterge qoldaý kórsete alady.
«Jyl volonteri» halyqaralyq syılyǵy Memleket basshysynyń bastamasymen taǵaıyndalǵan. Ol qoǵamǵa paıdaly ári áleýmettik mańyzy bar isterge úles qosqan azamattar men uıymdardy qoldaýǵa baǵyttalǵan.
Syılyq jeke volonterlerge ǵana emes, volonterlik toptarǵa, uıymdarǵa, sonyń ishinde halyqaralyq uıymdarǵa da beriledi.
– Memleket basshysynyń bastamasymen taǵaıyndalǵan syılyq qoǵamǵa paıdaly ári áleýmettik mańyzy bar isterge úles qosqan volonterlerge, volonterlik toptarǵa, volonterlik uıymdarǵa jáne halyqaralyq uıymdarǵa beriledi. Alty jyl ishinde Ázerbaıjan, Qazaqstan, Qyrǵyzstan, Ózbekstan jáne Reseıden 297 volonter atalǵan syılyqtyń ıegeri atandy. Bıyl syılyq volonterlik qyzmettiń túrli baǵyttaryn qamtıtyn 15 atalym boıynsha tabystalady. Daýys berýge kez kelgen adam qatysyp, ózi tańdaǵan volonterge qoldaý kórsete alady, – delingen mınıstrlik aqparatynda.
Bıyl halyqaralyq syılyq 15 atalym boıynsha tabystalady. Olar volonterlik qyzmettiń túrli baǵyttaryn qamtıdy.
Atap aıtqanda, áleýmettik jobalardy júzege asyrý, bilim berý, janýarlardy qorǵaý, qorshaǵan ortany saqtaý jáne ekologııalyq bastamalardy qoldaý baǵytynda eńbek etip júrgen eriktiler marapatqa úmitker bola alady.
Sońǵy alty jylda halyqaralyq syılyqty bes eldiń ókilderi ıelengen. Ázerbaıjan, Qazaqstan, Qyrǵyzstan, Ózbekstan jáne Reseıden barlyǵy 297 volonter laýreat atanǵan.
Onlaın daýys berý 19 qazanǵa deıin jalǵasady. Qatysýshylar Qazvolunteer.kz platformasyna kirip, ózderi tańdaǵan úmitkerge daýys bere alady.
Aıta keteıik, 2025 jyly «Jyl volonteri» halyqaralyq syılyǵy boıynsha 15 atalymǵa 118 ótinim qabyldanyp, 46 úmitker jeńimpaz atanǵan bolatyn.
