«Jyl volonteri» halyqaralyq syılyǵyna baıqaý jarııalandy
ASTANA. KAZINFORM - Qazaqstan Respýblıkasy Mádenıet jáne aqparat mınıstrligi Memleket basshysy Qasym-Jomart Toqaevtyń volonterlik qozǵalysty damytý jáne qoldaý jónindegi tapsyrmasyna sáıkes «Jyl volonteri» halyqaralyq syılyǵyna baıqaý jarııalady.
QR Mádenıet jáne aqparat mınıstrligi baspasóz qyzmetiniń habarlaýynsha, jyl saıyn tabystalatyn halyqaralyq syılyq qoǵam ıgiligi úshin qyzmet etip, áleýmettik mańyzy bar máselelerdi sheshýge úles qosqan volonterler men volonterlik toptardy, qazaqstandyq jáne halyqaralyq volonterlik uıymdardy yntalandyrýdy kózdeıdi.
Syılyq 15 nomınatsııa boıynsha beriledi:
• «Úzdik volonterlik uıym»;
• «Korporatıvtik volonterlik kóshbasshysy»;
• «Turaqty damý maqsatynyń kóshbasshylary»;
• «Úzdik áleýmettik kómekshi»;
«Tótenshe jaǵdaılardy joıýǵa belsendi qatysqany úshin»;
• «Habar-osharsyz ketken adamdardy izdeýge belsendi qatysqany úshin»;
• «Quqyq buzýshylyq qurbandaryna kómek kórsetýge belsendi qatysqany úshin»;
• «Densaýlyq saqtaý salasyn damytýǵa belsendi qatysqany úshin»;
• «Salaýatty ómir saltyn nasıhattaýǵa belsendi qatysqany úshin»;
• «Bilimdi áıgileýdegi úlesi úshin»;
• «Qorshaǵan ortany saqtaý jáne qorǵaý úshin qosqan úlesi úshin»;
• «Beıbitshilikti, dostyq pen kelisimdi nyǵaıtýǵa qosqan úlesi úshin»;
• «Tarıhı-mádenı murany saqtaýǵa jáne damytýǵa qosqan úlesi úshin»;
• «Janýarlardy qorǵaý máselelerin sheshýge qosqan úlesi úshin»;
• «Áleýmettik mindetterdi sheshýge qosqan úlesi úshin».
-Ár úmitker syılyqtyń bir ǵana nomınatsııasyna qatysa alady. Qujattar 2026 jylǵy 7-27 qyrkúıek aralyǵynda qabyldanady. Ótinim qazvolunteer@mail.kz elektrondy poshtasy arqyly joldanady,-delingen habarlamada.
«Jyl volonteri» halyqaralyq syılyǵyn berý tártibi men baıqaý talaptary týraly tolyq aqparat myna saıtta jarııalandy.
Qosymsha aqparatty +7 (7172) 74-12-86,74-03-11 nómirleri boıynsha alýǵa bolady.
Aıta keteıik, búgini tańda elimizde volonterler sany 300 myńnan asty.
