Jyl sońyna qaraı Qazaqstandaǵy ınflıatsııa 10% bolýy múmkin
ASTANA. KAZINFORM – QR Ulttyq ekonomıka vıtse-mınıstri Arman Qasenov eldegi ınflıatsııanyń ósýi týraly boljamdarǵa pikir bildirdi.

– Shynynda da, ınflıatsııa bar. Alaıda, jalpy ınflıatsııa úderisi keri baǵytta ekenin atap ótkim keledi. Eger ótken jyldy alsaq, ınflıatsııa 8,6% deńgeıinde qalyptasty, onyń aldyndaǵy jyly shamamen 10% boldy, al odan buryn 20% bolǵan, – dedi A. Qasenov Úkimette ótken brıfıngte.
Vıtse-mınıstrdiń aıtýynsha, ınflıatsııa – jahandyq úderis jáne kóbine monetarlyq sıpatqa ıe.
– Dálirek aıtqanda, oǵan halyqty nesıelendirý kóleminiń qarqyny aıtarlyqtaı áser etedi. Qazaqstanda sońǵy úsh jylda bul kórsetkish jylyna 30% deńgeıinde qalyptasty. ıAǵnı halyqty nesıelendirý nomınaldy JІÓ ósiminen de joǵary qarqynda ósip keledi. Bul qosymsha suranysty týdyrady, – deıdi A. Qasenov.
Sondaı-aq, spıker elde Ulttyq bank pen Úkimet júzege asyryp jatqan ınflıatsııaǵa qarsy keshendi sharalar qolǵa alynǵanyn, olardyń sany 100-den asatynyn aıtty.
– Dál osy keshendi sharalardy tabysty iske asyrý ınflıatsııanyń tómendeýine ákeldi. Jyl qorytyndysy boıynsha, ınflıatsııanyń shamamen 10% deńgeıinde bolatynyn boljap otyrmyz, – dep túıindedi A. Qasenov.
Buǵan deıin Ultyq bank sarapshylar qaýymdastyǵy arasynda júrgizilgen kezekti makrosaýalnama nátıjesin jarııalaǵan edi.