Jyl sońyna deıin janar-jaǵarmaı baǵasy óse me — mınıstr jaýaby

ASTANA. KAZINFORM — Jyl sońyna deıin janar-jaǵarmaı baǵasy qanshalyqty ósedi. Bul suraqqa Energetıka mınıstri Erlan Aqkenjenov jaýap berdi.

— Bul naryq bolǵannan keıin, onyń qunyna qatysty naqty aıta almaımyn. Otyn quny ósedi degen baǵdarlama joq. Baǵa ishki suranys pen usynys arqyly qalyptasady, — dedi A. Aqkenjenov Parlament Májilisinde tilshiler suraǵyna jaýap bere otyryp.

Osy oraıda ol bıylǵy aqpan aıynan bastap benzın men dızel otynyna memlekettik retteý alynyp tastalǵanyn eske saldy.

— Sondyqtan qazir baǵa ishki suranyspen jáne tutyný kólemi arqyly aıqyndalyp jatyr, — dedi mınıstr.

Jyl basynda elimizde benzın men dızel baǵasyn memleket rettemeýi múmkin ekeni týraly jazǵan bolatynbyz.