Jyl sońyna deıin mektepterdiń daladaǵy dárethanalary joıylady

ASTANA. KAZINFORM – Bıyl jyl sońyna deıin mektepterdiń daladaǵy dárethanalary joıylady. Bul týraly Úkimet otyrysynan keıingi baspasóz máslıhatynda Oqý-aǵartý mınıstri Ǵanı Beısembaev aıtty. 

Onyń atap ótýinshe, osydan birneshe jyl buryn ǵana elimizde jyly dárethanalarǵa qaraǵanda daladaǵy dárethanalardyń sany basym bolǵan. Qazir olardyń sany áldeqaıda azaıdy.

– Munyń ózi úlken jetistik. Bul – memlekettiń balalarymyzdyń qaýipsizdigin qamtamasyz etý jáne qolaıly jaǵdaı jasaý baǵytyndaǵy jumysy. Degenmen, bul ákimdikter bólýi tıis qosymsha qarajat ekenin de túsinemiz. Sondyqtan birlesken jumys istelinip jatyr. Jyl sońyna deıin daladaǵy dárethanalarǵa qatysty jospar túzdik. Olardyń sany – 194. Alaıda, olardyń paıdalanylmaıtyndyǵyn aıtqan bolatyn. Qazir biz olardyń bárin joıýdy talap etip otyrmyz, - dedi mınıstr.

Sonymen qatar Ǵanı Beısembaev bul másele jyldyń tolyqtaı sheshiletindigin aıtty.

Buǵan deıin Jambyl oblysynyń barlyq mektebi ishki dárethanamen qamtamasyz etilgenin jazǵan edik.