Jyl sońyna deıin 590 myń tonna munaı-gaz óndirý josparlanǵan — Úkimet

ASTANA. KAZINFORM — Úkimet ónerkásip salasyn damytýda mańyzdy qadamdardyń biri retinde ındýstrııalyq ósimniń jańa draıveri — munaı-gaz hımııasynyń kólemin arttyrýdy atady.  

Munaı-gaz hımııasy ónerkásiptiń eń qarqyndy damyp kele jatqan baǵyttarynyń biri. Úkimettiń málimetinshe, 2024 jyly munaı-gaz hımııasy ónimderiniń óndirisi 540 myń tonnaǵa jetip, 2023 jylmen salystyrǵanda 150,5%-ǵa artqan.

Sektor úshin mańyzdy qadamdardyń biri — metanol óndiretin zaýyt salý jónindegi alǵashqy ınvestıtsııalyq kelisimniń jasalýy. Budan bólek, munaı-gaz hımııasy ónerkásibin damytýdyń 2024-2030 jyldarǵa arnalǵan Jol kartasy bekitildi. Sondaı-aq «Munaı-gaz hımııasy ónerkásibi týraly» jańa zańnyń jobasy ázirlenip jatyr, ony 2026 jyly qabyldaý josparlanyp otyr.

Eseptelgen óndiristik kólemge sáıkes, bıyl jyl sońyna deıin 590 myń tonna munaı-gaz hımııasy ónimin óndirý josparlanyp otyr.

Aǵymdaǵy jyldyń 9 aıynda óndiris kólemi 477,2 myń tonna boldy, nemese ótken jyldyń sáıkes kezeńimen salystyrǵanda 115,8% (412,2 myń tonna).

Aıta keteıik, buǵan deıin elimizde munaı-gaz hımııasy salasynda bıznesti qoldaý jónindegi jumys toby qurylǵanyn jazdyq.