Jyl sońyna deıin 1700 jármeńke ótedi

ASTANA.KAZINFORM — Tórtinshi toqsanda shamamen 1700 jármeńke ótkizý josparlanǵan. Olar senbi jáne jeksenbi kúnderi, sondaı-aq barlyq mereke kúnderinde ótedi. Otandyq óndirýshilerge saýda oryndary tegin beriledi.

Ótken demalys kúnderi elimizdiń barlyq óńirlerinde aýyl sharýashylyǵy jármeńkeleri ótti. Qazaqstannyń barlyq aımaǵynda 95 núktede 1400-den astam fermer óz ónimderin usyndy. Mundaı jármeńkelerdiń basty ereksheligi — áleýmettik mańyzdy azyq-túlik ónimderin deldalsyz jáne ústeme baǵasyz tikeleı satyp alýǵa bolady.

— Sıyr eti jármeńkege kelýshilerdiń eń kóp suranysyna ıe boldy. Elimiz boıynsha shamamen 170 tonna et satyldy. El astanasy sıyr etin satý kólemi boıynsha kóshbasshy, Munda turǵyndar kelisi 3100-3500 teńgege aralyǵynda shamamen 60 tonna et satyp aldy. Almatyda 3100-4000 teńgege aralyǵynda 25 tonna sıyr eti satyldy. Aımaqtarda baǵa aıtarlyqtaı tómen boldy: Batys Qazaqstan oblysynda 2500-2800 teńge, Qyzylorda jáne Túrkistan oblystarynda 2500 teńge, Pavlodar oblysynda 2300-2600 teńge, Soltústik Qazaqstan oblysynda 2700-3200 teńge aralyǵynda et satyldy, — delingen habarlamada.

Kartopqa da joǵary suranys baıqaldy. Elimiz boıynsha 400 tonnadan astam kartop satyldy. Aımaqqa qaraı ónim baǵasy kılogrammyna 100-den 230 teńgege deıin ózgerdi.

Aýyl sharýashylyǵy jármeńkeleriniń ótkizilý áli jalǵasady. Tórtinshi toqsanda shamamen 1700 jármeńke ótkizý josparlanǵan. Olar senbi jáne jeksenbi kúnderi, sondaı-aq barlyq mereke kúnderinde ótedi. Otandyq óndirýshilerge saýda oryndary tegin beriledi.

Aýyl sharýashylyǵy jármeńkeleri fermerlerdi qoldaýdyń jáne baǵalardy turaqtandyrýdyń tıimdi quraly bolyp qala beredi. Turǵyndar osyndaı is-sharalarǵa qýana qatysyp, sapaly jáne jańa ónimderdi óndirýshilerden tikeleı qoljetimdi baǵada satyp alyp jatyr. 

Aıta ketelik Azyq-túlik korporatsııasy Qytaımen tsıfrlyq arnalardy iske qosý úshin kelissóz júrgizip jatyr.