Jyl saıyn qoǵamdyq jumystarǵa tartylady: Shymkentte oıyn bıznesin uıymdastyrýshylarǵa sot úkimi shyqty

Shymkentte zańsyz oıyn bıznesin uıymdastyrýshylarǵa sot úkimi shyqty, dep habarlaıdy Kazinform.

Shymkent qalasynyń qylmystyq ister jónindegi aýdanaralyq sotynyń úkimine sáıkes, zańsyz oıyn bıznesin uıymdastyrǵan eki kúdikti QR QK-niń 307 baby 2 bóligimen kináli dep tanylyp, olarǵa 2 jyl 7 aı merzimge bas bostandyǵynan shekteý jáne jyl saıyn 100 saǵat qoǵamdyq jumystarǵa tartý jazasy taǵaıyndaldy. Al, olardan tárkilengen 8 dana jasyl-sary oıyn termınaldary, 23 dana júıeli blok, 20 dana monıtor, 5 modem jáne 2 televızor memleket kirisine alyndy.

«Shymkent qalasy Ekonomıkalyq tergep-tekserý departamentiniń qyzmetkerleri «Stop ıgra» shuǵyl is-sharasynda Shymkent qalasy aýmaǵynda zańsyz oıyn bıznesin uıymdastyrýshylardy anyqtaǵan bolatyn. «Oıyn bıznesi týraly» Qazaqstan Respýblıkasynyń Zańynyń 11 babyna sáıkes, kazıno men oıyn avtomat zaldary Almaty oblysyndaǵy Qapshaǵaı sý qoımasynyń jaǵalaýynda jáne Aqmola oblysynyń Şýche aýdanynda jergilikti atqarýshy organdar aıqyndaıtyn aýmaqtar sheginde ornalastyrylýǵa jatady. Atalǵan aýmaqtardy qospaǵanda, kazıno men oıyn avtomattary zaldaryn Qazaqstan Respýblıkasynyń basqa aýmaǵynda ornalastyrýǵa tyıym salynady» - delingen Shymkent qalasy boıynsha ekonomıkalyq tergep-tekserý departamentiniń baspasóz qyzmeti taratqan aqparatta.