Jyl saıyn elimizge 300 myńdaı shetel azamaty jumys isteýge keledi
ASTANA. KAZINFORM — Úkimet otyrysynda Eńbek jáne halyqty áleýmettik qorǵaý mınıstri Qazaqstandaǵy bos jumys oryndary jóninde málimdeme jasady.
Onyń sózinshe, jyl basynan beri elektrondyq bırja portalynda jumys berýshiler 845 myń bos jumys ornyn jarııalady. Sonyń 432 myńy — jumysshy mamandyqtar.
— Azamattarymyz bos oryndardyń 60-70%-yna ornalasady. Biraq 30-40% bos jumys ornyna adam tabylmaıdy. Sol sebepti, jumys berýshiler shetelderden maman tartady. Jyl saıyn elimizge 300 myńdaı shetel azamaty jumys isteýge keledi. Bul másele boıynsha ákimdiktermen birlesip jumys istep jatyrmyz, — dedi Asqarbek Ertaev.
Mınıstrdiń málimdeýinshe, bul olqylyqtyń ornyn toltyrý úshin mansap ortalyqtarynyń jumysyn ózgertý úderisi júrgizilip jatyr. Máselen, tsıfrlyq júıeni engizý iske asyrylyp jatqanyn aıtýǵa bolady.
Aıta keteıik, buǵan deıin Úkimet otyrysynda Oljas Bektenov Prezıdenttiń joǵary senimin aqtaýymyz kerek dep málimdegen bolatyn.
